На насловната страница на израелскиот дневен весник „Haaretz“ беа објавени фотографии од 67 палестински деца и тинејџери кои ги загубија своите животи во неодамнешните судири меѓу Израел и Појасот Газа.
„Ова е цената на војната“, стои на насловната страна на „Haaretz“. Тој дневен весник, најстариот во Израел, во соработка со Њујорк Тајмс, објави фотографии, возрасти и приказни на жртви на возраст од 6 месеци до 17 години.
Вкупно 254 Палестинци загинаа во израелскиот бомбардирање, според Министерството за здравство во Газа, а една четвртина од загинатите се деца.
Haaretz front page today on the 67 children killed in Gaza. “This is the price of war.” But in fact, it’s the price of Israels continued military rule, dispossession, discrimination and violence. pic.twitter.com/8Ap1Ox6Je0
— Mairav Zonszein מרב זונשיין (@MairavZ) May 27, 2021
„Haaretz“ ги објави приказните за убиените помалку од една недела по завршувањето на примирјето, ставајќи крај на последната ескалација на палестинско-израелскиот конфликт, во време кога еврејската држава е во политичка криза поради четвртиот неуспешен обид на премиерот Бенјамин Нетанјаху да формира влада за две години.
Палестинците го обвинуваат Израел за поттикнување конфликт со иселување во ерусалимскиот кварт Шеик Јарах и за блокирање на пристапот до верниците во џамијата Ал Акса за време на исламските празници, додека Израел ги оправдува своите напади врз Газа бранејќи се од исламистичката група Хамас.
Израелската војска објави дека некои од децата убиени во Газа биле убиени од погрешно насочени ракети од палестински милитанти.
Во Израел, 13 лица загинаа во конфликтот, вклучувајќи 5-годишно дете и 16-годишно дете, пренесува агенцијата ДПА.