Трофејот во Лигата на шампионите повторно се сели во главниот град на Англија!
Фудбалерите на Челзи успеаја да го совладаат лутиот ривал од северот, тимот на Манчестер Сити, во комплетната англиска пресметка на „Драгау“ и на тој начин ја освоија титулата европски клупски шампион.
Гледавме фантастичен натпревар, особено во текот на првото полувреме, а на крајот, голот на Хаверц беше решавачки по одличното додавање на Мејсон Маунт – 0:1 (0:1).
Вселенско. Вака изгледаше финалето на Лигата на шампионите за просечниот гледач оваа вечер пред малите екрани.
Темпото беше извонредно, топката леташе во сите правци, особено за време на воведниот половина час, и затоа не можеше да биде досадно.
И колку фановите фалеа на трибините. Сè на „Драгау“ не потсети на тоа време пред повеќе од една година. Тој не беше исполнет до последното место, но овие 16.500 луѓе исто така придонесоа за големиот спектакл на англиските ривали во последниот натпревар од сезоната.
Можеби тоа исто така им даде дополнителен поттик на „граѓаните“ и на „сините“.
На крајот славеше Тухел против големиот Гвардиола, а за Германецот ова беше трета победа во сезоната над новиот шампион на Англија.