Бугарија планира да обезбеди околу 150.000 вакцини против КОВИД-19 за своите балкански соседи, изјави денеска бугарскиот министер за здравство Стојко Кацаров.
„Идејата е да се дистрибуираат до 150.000 дози меѓу соседните земји на Западен Балкан“, рече Кацаров пред новинарите, истакнувајќи дека официјална Софија добила барања од Северна Македонија, Албанија, Косово и Босна и Херцеговина, јави Танјуг, повикувајќи се на Ројтерс.
„Нашите потреби се целосно покриени, така што нема опасност Бугарија да остане без вакцини“, рече тој.
Министерот исто така изјави дека утре треба да пристигне одговор од Европската комисија во врска со тоа како точно треба да дејствува Бугарија и дали може да донира или продава дози.
Тој додава дека Бугарија главно сака да донира вакцини на „АстраЗенека“.
Бугарскиот претседател Румен Радев минатата недела рече дека Софија планира да донира значителни количини вакцини за Северна Македонија, потсетува Ројтерс, за која агенцијата рече дека може да помогне во подобрување на затегнатите односи меѓу двете земји, кои беа нарушени со бугарското вето на разговорите за пристапување на Северна Македонија. .
Бугарија има најниска стапка на вакцинација во ЕУ, но Кацаров вели дека неговата земја договорила дози од 13 до 14 милиони според европската шема за дистрибуција на вакцини до крајот на годината и може да си дозволи да им помага на другите земји.