Министерот за здравство, Венко Филипче преку објава на социјалните мрежи извести дека ќе се изврши четврта трансплантација на срце во државава.
„Започнуваме подготовки за четврта трансплатација на срце. Тимот спремен и мотивиран како и секогаш“, објави министерот.
Првата трансплантација беше извршена во мај минатата година, а последната на крајот на месец мај оваа година.
Тогаш Министерството за здравство информираше дека операцијата трaела 5 часа, а поради сериозноста следните 48 часа се критични за пациентката.
„Операцијата беше извршена врз 39-годишна жена, со вродена срцева маана, која подолго време чекаше донор. Станува збор за тешка операција, која траеше 5 часа, а поради сериозноста на истата, следните 48 часа се критични за пациентката. На Клиниката за урологија во тек е трансплантација на бубрези кај двајца пацинети за чија здравствена состојба Министерствот дополнително ќе ја информира јавноста, откако ќе завршат операциите“, соопшти Министерство.