Американскиот амбасадор се врати во Москва по двомесечното отсуство

Американската амбасада во Русија објави дека амбасадорот Џон Саливан се вратил во Москва по двомесечното отсуство.

„Денес се вратив во Москва“, напиша Саливан на Твитер, додавајќи дека е подготвен да работи со руските колеги за да се постигнат „стабилни и предвидливи билатерални односи“.

Неговото враќање во Москва доаѓа неколку дена откако рускиот амбасадор Анатолиј Антонов се врати во Вашингтон.

Враќањето на амбасадорот е дел од договорот меѓу претседателите на Русија и Соединетите држави, Владимир Путин и Џозеф Бајден, на самитот што се одржа на 16 јуни во Женева.