АКО одлучите денот да го започнете со малку чоколадо, тоа воопшто не може да биде лоша идеја. Истражувачите од Brigham and Women’s Hospital го проучувале влијанието на млечното чоколадо врз исхраната на жените во менопауза, за труд објавен во The FASEB Journal.
Студијата анализира 19 жени во менопауза. Жените конзумирале 100 грама млечно чоколадо во рок од еден час по будењето или во рок од еден час пред спиење. Потоа ги споредиле своите мерки со оние жени кои не земале чоколадо.
Истражувачите објавија дека внесувањето чоколадо наутро или навечер не довело до зголемување на телесната тежина и дека јадењето чоколадо наутро или навечер може да влијае на гладот и апетитот, составот на микробиотите, спиењето и други фактори. Тие, исто така, открија дека големиот внес на чоколадо во текот на утринските часови всушност може да помогне во согорување на маснотиите и намалување на нивото на глукоза во крвта. Јадењето чоколадо навечер исто така може да го промени метаболизмот следното утро.
„Нашето откритие покажува дека не само она што го јадеме, туку и кога јадеме, влијае на физиолошките механизми вклучени во регулацијата на телесната тежина“, се вели во изјавата потпишана од неврологот Френк А.Џ.Л. Шеер.
Авторите признаа дека нивната студија е ограничена на мала група жени во менопауза, а само понатамошните истражувања, со вклучени мажи и млади жени, ќе ги потврдат резултатите.