Кристијано Роналдо наводно побарал да го напушти Торино по неуспешната сезона во Јувентус, но сега пристигнуваат информации дека сè е сменето за 180 степени!
Славниот португалски напаѓач не само што нема да го напушти Јувентус ова лето, една година пред истекот на неговиот договор, туку неговиот агент ѝ порача на „старата дама“ дека сакаат да преговараат за продолжување на соработката, што е големо изненадување.
Роналдо претходните три сезони го носеше дресот на Јувентус и не успеа да ја освои Лигата на шампионите со нив, што беше заедничка цел, а потоа се шушкаше дека е незадоволен од соиграчите, тренерот…
Ова особено се однесуваше на враќањето на Макс Алегри на клупата на Јувентус, беше споменато дека поради тоа Роналдо може да замине во Пари Сен Жермен или Манчестер Јунајтед, но нема ништо од тоа бидејќи овие клубови не се подготвени да издвојат пари за обештетување и голема плата.
Мендеш го разбра тоа, па Јувентус предложи да ја продолжи соработката, за кариерата на Роналдо да продолжи во Италија.
Роналдо има 36 години, а во дресот на Јувентус постигна 101 гол во претходните три сезони.