Избори во Бугарија: Партијата на Борисов во минимално водство

Политичката партија Граѓаните за европски развој на Бугарија (ГЕРБ) на поранешниот премиер Бојко Борисов, во коалиција со Унијата на демократски сили, има минимална предност откако беа обработени 89,14 отсто од гласовите од вчерашните парламентарни избори во Бугарија.

Централната изборна комисија утрово објави дека ГЕРБ освои 24,01 отсто (585.460 луѓе) гласови, а на второ место е партијата Постои ваков народ, предводена од музичарот и ТВ-презентер Слави Трифунов, со 23,48 отсто (572.365). пренесува ТАСС.

Бугарската социјалистичка партија е трета со 13,65 отсто (322.908).

Парламентарните избори се одржаа во неделата, а претставници на 23 партии се натпреваруваа за 240 пратенички места.