Откако српското Вишото јавно обвинителство ја отфрли кривичната пријава на актерката Данијела Штајнфелд, која го обвини Бранислав Лечиќ за силување, актерот, меѓу другото, изјавил дека му е причинета непоправлива штета.
„По исклучително тежок период, од скоро четири месеци, добив вест дека обвинителството одлучи да не покрене постапка против мене во врска со обвинувањата.
Иако, бидејќи не сум виновен, го очекував овој исход, морам да признаам дека не се чувствувам како победник. Имено, штетата што ми беше нанесена на мене, на моето семејство и пријателите, никогаш и во никој случај не може да се надомести.
Исто така, нанесена е непоправлива штета на сите вистински жртви на насилство во нашата земја и регионот. После ваквиот епилог, тие ќе имаат уште помалку храброст да се обратат до надлежните институции за помош.
Сè уште не можам да ги разберам причините зошто ми се случи сето ова, ниту пак можам да ги разберам мотивите на оние кои ме осудија пред да се поведе каква било постапка против мене. Иако имав статус на граѓанин пред полицијата и обвинителството, а не обвинет, па дури и осомничен, многумина побрзаа да ги изнесат своите завршни зборови и да донесат пресуда.
Јас сум многу загрижен за нашата општа состојба во општеството. Ја користам оваа можност да ја повикам целата јавност, а пред се медиумите и другите кои имаат влијание врз јавното мислење, да посветат поголемо внимание на презумпцијата на невиност во иднина, како едно од основните човекови права, така што нема некој би бил осуден пред судење.
Сега ми треба одмор и ги молам медиумите да го овозможат тоа, и за мене и за моето семејство. После тоа, со задоволство ќе ја информирам јавноста за мојата страна на приказната и за моите конкретни докази од постапката, бидејќи верувам дека тоа е моја права и голема обврска, поради моите деца, луѓето кои ја почитуваат мојата работа, но и нашето општество воопшто “, рече Бранислав Лечиќ.
Потсетуваме, Данијела Штајнфелд поднесе кривична пријава против актерот Лечиќ во март, кога го обвини дека ја силувал во 2012 година, во време кога заедно работеле на претстава. Таа минатата година во својот документарец откри дека а била силувана од постар колега од Србија. Штајнфелд не сакаше да го открие неговиот идентитет, а сè што рече беше дека тој е многу влијателен во светот на филмот и театарот.
Откако го откри името на Лечиќ, славниот актер и опозициски политичар со денови се обидуваше да ги отфрли нејзините обвинувања на кој било начин. Тој помина цел ден на полициско испрашување, а по заминувањето тврдеше дека поминал на полиграф.