Жозе Мурињо не чекаше долго за нов ангажман по отказот во Тотенхем. Брзо најде нова работа. Тој потпиша тригодишен договор со Рома и со тоа создаде вистински хаос во Италија.
По пристигнувањето во Рим, тој предизвика делириум, а сега го имаше и своето деби на клупата на „волчицата“. Сепак, зад затворени врати и против тим што се натпреварува во Серија „Д“.
Во секој случај, неговите избраници беа немилосрдни против Монтекатини. Мечот заврши со 10:0!
Три гола постигна Борха Мајорал, додека во листата на стрелците се запишаа и Николо Заниоло, Карлес Перез, Џанлука Манчини, Рикардо Калафиори, Никола Залевски, Амаду Дијавара, а исто така беше виден и еден автогол.
Португалецот почна да носи и засилувања, пристигна неговиот сонародник, голманот Руи Патрицио. Се очекува до крајот на преодниот рок да има уште нови играчи.