Биланс на медали: Домаќинот излезе на врвот според бројот на златни медали

Кина е сè уште на врвот кога станува збор за збирот на освоени медали на Олимписките игри во Токио – 18.

Следат САД со 14, додека домаќинот Јапонија има 13, еден медал повеќе од Русија.

Сепак, поради најголемиот број освоени златни медали (осум), Јапонија моментално е прва во генералниот пласман, а по неа следат Американците (седум златни медали), а потоа Кина со шесте најсветли одличја.

Историја денеска напиша Хидилин Дијаз, која освои прв златен медал за Филипините на Олимписките игри.