Еден од најдобрите кошаркари на денешницата, Расел Вестбрук, следната сезона ќе го носи дресот на Лос Анџелес Лејкерс, објавија добро информирани американски новинари.
Ангажманот во Лејкерс е веројатно последниот обид на Расел Вестбрук некако да стигне до титулата во НБА, бидејќи тимот во кој игра Леброн Џејмс е секогаш кандидат за шампионскиот прстен.
Како пренесуваат американските новинари, трејдот е веќе договорен, но се очекува на 6 август, кога селери-капот ќе биде официјализиран.
Во замена за „машината за трипл-дабл“, Волшебниците добија големи засилувања. Монтрес Херел, Кајл Кузма и Кентавиус Калдвел-Поуп и 22-от пик од овогодинешниот драфт ќе отидат во главниот град на САД.
Вестбрук веќе се прости од Визардс преку социјалните медиуми и му се заблагодари на Вашингтон за поддршката.
Photo by Adam Pantozzi/NBAE via Getty Images