Сите ние спасот од летниот замор и исцрпеност, го гледаме во бегството од компјутерите, мобилните телефони, колегите. Но, летниот замор е многу повеќе од исцрпеност од работа, и очекувано е ова лето да биде почеток на нови „затворања“ поради коронавирусот. Поради желбата да се надомести „изгубеното време“, нашето однесување станува и многу ризично.
Ако ги следиме Јапонците ќе видиме дека тие на овој феномен, му посветуваат посебно внимание. Внимаваат на здравјето, исхраната и на добриот одмор.
Затоа, при висока температура треба да ги прилагодите дневните активности и да практикувате повеќе одмор.
Одморот е најважната компонента за нашето ментално здравје, особено по напорна работна година. Одморете се, наполнете ги батериите и направете го она што не сте го правеле во текот на целата година – пливајте! Со пливањето убедливо се троши најмногу калории наспроти другите активности, трчање, пешачење, возење ролери, возење велосипед итн.
Изберете мириси што ќе ве разбудат
Цитрусните мириси како лимон и лимета неодоливо потсетуваат на летните вибрации и веднаш ќе ве поттикнат. Исто така, добра идеја е да одгледувате некои ароматични билки како нане и рузмарин (помага да се фокусирате) и секогаш кога ќе почувствувате потреба, вдишете го мирисот од овие растенија.
Прилагодете ја вашата исхрана
Здравата исхрана е клучот за здрав начин на живот, а во лето фокусирајте се на овошјето што ќе ве хидрира и ќе ви обезбеди многу потребни витамини, минерали и антиоксиданси. Изберете неизбежна лубеница, но и сливи, праски, јагоди …
Спиј, спиј, спиј
Проблемите со несоница ги мачат многумина, а ситуацијата значително се влоши во пандемијата кога беше измислен терминот коронасомнија – дериват што се однесува на проблеми со спиењето предизвикани од вознемиреност поради пандемијата.
Без оглед на подолгите летни денови, исклучително е важно да спиете добро и, колку што е можно, да се држите до постојан ритам на спиење и будење секој ден. Притоа, обидете се да спиете околу осум часа.