Швајцарскиот великан Роџер Федерер (40) повторно ќе земе подолга пауза, што овој пат може да значи дека можеби никогаш повеќе нема да го видиме на теренот. Можеби овој пат навистина е крајот, се чини дека ова е најсериозниот предизвик од ваков вид за легендата досега, но Роџер не се откажува – тој верува дека може уште да трае.
Откако објави дека ќе има операција на коленото, Роџер испрати порака до своите придружници и тенискиот свет.
– Здраво на сите, би сакал да ве информирам за она што ми се случува од Вимблдон. Како што можете да претпоставите, не беше лесно. Направив многу прегледи и контроли на коленото откако имав постојана болка од сезоната на трева и Вимблдон – го започна своето обраќање Швајцарецот, додека, како што се чинеше, се бореше да не заплаче.
Видеото го објави на своите социјални мрежи.