„Им благодариме на СДСМ што јавно признаа дека кандидатите на ВМРО-ДПМНЕ се нови и некомпромитирани луѓе кои што ќе ја добијат целосната поддршка од граѓаните. Кандидатите на ВМРО-ДПМНЕ на наредните локални избори ќе понудат реална, остварлива програма која ќе биде креирана заедно со граѓаните“, се вели во реакцијата на ВМРО-ДПМНЕ.
За разлика од кандидатите на ВМРО-ДПМНЕ, според Белата палата, досега презентираните кадри на СДСМ се „корумпирани, потрошени и докажани неработници“.
Вакви луѓе не заслужуваат доверба, и граѓаните тоа добро го знаат. Казната за криминалците и неработниците ќе дојде на 17-ти октомври, кога СДСМ и нивните кандидати ќе доживеат катастрофален пораз, сметаат од партијата на Мицкоски.
Претходно, потпретседателот на партијата, Александар Николоски соопшти со кои кандидати ќе излезе на избори:
1. Кандидат на ВМРО-ДПМНЕ за градоначалник на Кисела Вода е Орце Ѓеоргиевски.
2. Кандидат за градоначалник на ВМРО-ДПМНЕ во Општина Сопиште е Стефче Трпковски, кој е актуелен градоначалник на општината.
3. ВМРО-ДПМНЕ за Центар ќе оди со поддршка на кандидатурата на професор доктор Наташа Котлар.
4. Кандидат за градоначалник на ВМРО-ДПМНЕ во Кочани е Љупчо Папазов.
5. Кандидат за градоначалник на ВМРО-ДПМНЕ за општината Петровец е актуелниот градоначалник Борче Митевски.
6. Во Илинден ВМРО-ДПМНЕ ќе оди со Александар Георгиевски.
7. Кандидат за градоначалник на ВМРО-ДПМНЕ за Штип е Иван Јорданов.
8. Во Велес со Марко Колев.
9. Кандидат на ВМРО-ДПМНЕ за градоначалник во Радовиш е Ацо Ристов.
10. Кандидат на ВМРО-ДПМНЕ за градоначалник на општина Конче е Златко Ристов.
11. Во Босилово кандидатот на ВМРО-ДПМНЕ е Ристо Манчев.
12. Кандидат на ВМРО-ДПМНЕ за општина Валандово е Тони Узунов.
13. Кандидат на ВМРО-ДПМНЕ за општина Богданци е Марјан Пеев.
14. Кандидат за градоначалник за општина Дојран е Филип Дончовски.
15. Кандидат за градоначалник на ВМРО-ДПМНЕ за општина Гевгелија е Андон Сарамандов.
16. Во четвртата изборна единица во општина Неготино со Д-р Горан Стојанов.
17. Кандидат за градоначалник во четвртата изборна единица во Демир Капија е Андон Донев.
18. Во општина Росоман со Тихомир Николов.
19. Во Прилеп ќе излезат со доктор Борче Јовчески.
20. За општина Кривогаштани кандидат на ВМРО – ДПМНЕ за градоначалник е Александар Богданоски.
21. Во општина Могила одиме на победа со Драганчо Саботковски.
22. Кандидат за градоначалник од ВМРО-ДПМНЕ за Новаци е Стевче Стевановски.
23. Кандидат за градоначалник на ВМРО-ДПМНЕ за Вевчани е Спасе Кочовски.
24. Кандидат за градоначалник за општина Брвеница е Јовица Илиевски.
25. Кандидат за градоначалник на општина Јегуновце е Димитар Костадиновски.
26. Кандидатот за општина Гази Баба е Бобан Стефковски.