Дипломатски извор во Париз за приштинска „Газета експрес“ изјави дека кога станува збор за развој на регионалната соработка на Западен Балкан, Франција ја поддржува целта на регионалниот заеднички пазар објавен на самитот во Берлин во Берлинскиот процес, нагласувајќи дека иницијативата „Отворен Балкан“, започнат на 29 јули 2021 година од Србија, Албанија и Северна Македонија, дава можност да се постигне напредок во оваа насока, под услов да биде координиран со работата извршена во рамките на Берлинскиот процес.
Дипломатски извори во Париз велат дека е потребен напредок во Берлинскиот процес, бидејќи следниот самит ЕУ-Западен Балкан се очекува на 6 октомври.
„Ние го поддржуваме зајакнувањето на регионалната соработка на Западен Балкан, што е од суштинско значење за економскиот и социјалниот развој на регионот и за неговите поблиски врски со Европа“, рекол тој за Газета експрес.
„Оваа соработка мора да ги опфати шесте земји во регионот и да се заснова на европски стандарди и принципи. На пример, ние ја поддржуваме целта на регионалниот заеднички пазар објавен на Самитот во Софија во рамките на Берлинскиот процес (10 ноември 2020 година).
„Во овој контекст, Иницијативата Отворен Балкан, започната на 29 јули 2021 година од Србија, Албанија и Северна Македонија, дава добредојдена можност да се постигне напредок во оваа насока, под услов да биде координирана со работата извршена во рамките на Берлинскиот процес – работа што треба да оди напред во пресрет на претстојниот Самит ЕУ-Западен Балкан“, додаде тој.
Регионалната иницијатива, покрената минатиот месец од албанскиот премиер Еди Рама, премиерот на Северна Македонија, Зоран Заев и српскиот претседател Александар Вучиќ, не е поддржана од другите три земји на Западен Балкан – Косово, Црна Гора и Босна и Херцеговина.
Косовскиот премиер Албин Курти рече дека иницијативата е обид на Србија да го отвори регионот за Русија и Кина.