Можам да разберам дека одредени мерки наидуваат на негодување. Секоја мерка е за што побрза имунизација и пресекување на ширењето на вирусот, рече денеска министерот за здравство Венко Филипче.
Тој напомена дека има постојан пораст на вакцинацијата и сака да му помогне на секој кој смета дека вакцинацијата е единствен излез од пандемијата.
-Пандемијата донесе тага, ги испразни училишните клупи. Драстично ни го промени животот. Вакцинирајте се, само така се заштитувате себеси, кажа Филипче.
Министерот уште еднаш објасни дека подолготраен е имунитетот што ќе се добие при вакцинација.
-Нема дилема дека антителата еден одреден период штитат. Но, суштината е дека имунитетот од вакцината е поефикасен. Граѓаните треба да се стекнат со подолготраен имунитет и да го заштитиме здравствениот систем. Препораките од нашиот комитет се должат на повеќе студии. Траен имунитет е вакциналниот имунитет. Убеден сум дека ќе го издржиме овој бран, ако треба ќе се организираме дополнително, истакна Филипче.
Тој кажа дека во моментов има 700 лица кои се хоспитализирани, најголемиот број се од Тетово(110), Гостивар (90),Струга (35)…