Гвардиола: Си заминувам од Сити во 2023 година

Пеп Гвардиола потврди дека ќе ја напушти клупата на Манчестер Сити кога ќе му истече договорот во 2023 година.

Тој се приклучи на редовите на „граѓаните“ во 2016 година и досега освои три титули во Премиер лигата. Шпанецот истакнува дека по седум години поминати во Сити, дефинитивно ќе му треба одмор.

„Мислам дека е долго време. „Вистинско време е да застанете, да направите пауза и да одлучите што понатаму“, рече Гвардиола.

Во досегашната тренерска кариера тој ги водеше Барселона, Баерн и сега Сити.

„Би сакал да преземам репрезентација во иднина, или од Европа или од Јужна Америка, би сакал да учествувам на Европското првенство или на Копа Америка. Тоа би било драгоцено искуство “, рече Гвардиола.