САД донираат повеќе од половина милион дози Фајзер на Косово

САД ќе донираат повеќе од половина милион дози од вакцината Фајзер на Косово, бидејќи земјата се соочува со зголемување на нови случаи на коронавирус и смртни случаи, било потврдено за Радио Слободна Европа од Белата куќа. Според нив, 503.100 дози ќе бидат испорачани на Косово и тие ќе пристигнат викендов преку Ковакс програмата.

„САД се посветени на инвестирање на истата итност во меѓународните напори за вакцинација, како што покажавме дома, и работиме на достава на безбедни и ефективни вакцини на Косово што е можно поскоро“, соопштиле од Белата куќа.

Инаку, на 20 август, САД исто донираше 35.000 дози вакцини од компанијата Фајзер на нашиот северен сосед.