За дипломатите како и за сите граѓани додека не побара некоја земја важат истите права, објасни денеска премиерот Зоран Заев во врска со дипломатскиот скандал со приведувањето на македонскиот дипломат Миле Миленкоски, кој се бара со потерница.
Премиерот кажа дека ние ќе постапиме согласно меѓународните документи, но оти исто така ќе ги дознаеме и сите правни акти како да се заштитат нашите граѓани.
-Ние не можеме за наш граѓанин да преземеме било какви дејствија ако тоа некој не го побара. Овој дипломат, како што сум информиран, низ целата своја кариера дел од времето е надвор, дел е во земјава. Не сакам да навлегувам во деталите и причината зошто е побарана меѓународна потерница и дека се бара екстрадиција. Не ги знам деталите и сакам да ги дознам, ќе се распрашам како е докажано дека тоа е така, што се случило. Нормално е дека како земја која ги почитува меѓународните договори и узанси ние ќе постапиме соодветно на тоа. Но, секако тоа е наш граѓанин и ќе сакаме дополнително да ги дознаеме сите правни акти кои се, зашто пред сè должност ни е да ги штитиме нашите граѓани, но истовремено да го штитиме законот и меѓународното право , рече Заев.