Пред неколку дека владеачката СДСМ го објави новиот кандидат за градоначалник на општина Центар. Според внатрешните анкети во партијата, довербата ја доби Горан Герасимовски, кој воедно е претседател на општинската организација на СДСМ во истоимената општина.
Герасимовски е магистер по менаџмент на човечки ресурси. Високото образование го стекнал како дипломиран социолог. Почнувајќи од 2017 година, веќе три години е заменик директор на Државниот завод за индустриска сопственост, по што ја презема функцијата на директор на истата институција.
Кандидатот за градоначалник има големо искуство во менаџирање и раководење на големи тимови, кои на некои проекти броеле и до 150 луѓе. Тука се неговите почетоци како менаџер на тимови, кои понатаму се проследени од успеси во директорската позиција.
Тој има богато работно искуство во приватниот сектор. Од 2009 до 2017 година, работи во компанија за испитување на јавно мислење како проектен менаџер на почетокот, а потоа и како директор за човекови ресурси и организација на проекти.
Во однос на приватниот живот, Герасимовски е во брак и има две деца. Љубител е на активностите во природа од каде често споделува фотографии, а исто така е еден од ретките политичари кои постојано на работа оди со велосипед.