Данил Медведев ги скрши срцата на многу фанови на Новак Ѓоковиќ, бидејќи го совлада во финалето на УС Опен со 6: 4, 6: 4, 6: 4 и го спречи да стигне до 21. гренд слем титула, но и „календарски слем“.
Сепак, Медведев ги воодушеви сите фанови на Новак по натпреварот со трогателен говор, кога се сврте кон него и рече дека за него,тој е најголемиот тенисер на сите времиња.
Еден новинар побара по натпреварот да ја разјасни својата позиција и зошто го кажал тоа.
Медведев истакна дека разбира дека некој може да го разбере неговиот став како непочитување кон некои други момци, алудирајќи на Роџер Федерер и Рафаел Надал.
– Да, веројатно нема да го сторам тоа повторно. Но, она што го кажав е искрено. Мислам дека тоа може да се сфати на некој начин како непочитување кон некои други момци, сите знаеме кои. Новак беше зад мене, да имаше друг играч позади мене и да го победев во финалето, немаше да го кажам тоа што го кажав. Тоа е она што го мислам и тоа е се што ќе кажам – рече Медведев, кој ја повтори својата позиција за тоа кој е најголем за него на сите времиња.