Знаете дека можете да завиткате остаток од храна или сендвич за работа со неa, но има неколку работи за кои не треба да користиме алуминиумска фолија.
1. Не ставајте ја во микробранова печка
Можеби сте го знаеле ова, но како потсетник за сите други – никогаш не ставајте алуминиумска фолија во микробранова печка. За разлика од хартијата и стаклото, електромагнетните бранови не можат да поминат низ метал, па отскокнуваат од него и на тој начин ги создаваат оние искри што можат да ве исплашат, но и да ја уништат микробрановата печка.
2. Не печете колачи во неа
Иако можете да го користите ако, да речеме, сакате да печете сланина во рерна, таа не е најдобра за печење колачи. Одговорот е едноставен – дното на тортата може да се испече многу порано, па може да се разочарате од финалниот производ. Користете мрсна хартија или само малку масло.
3. Не ставајте на дното на рерната
Во теорија, добра идеја е да ја поставите на дното на рерната за да ја задржите целата маснотија и нечистотија на неа и на тој начин да избегнете чистење. Но, во пракса тоа во никој случај не треба да биде алуминиумска фолија. За да избегнете оштетување на рерната, не користете фолија, наместо тоа можете да ставите мрсна хартија или друг сад.
4. Не ја користете за кисела храна
Киселата храна, како сос од домати или некое овошје, може да влијае на составот на фолијата, која ќе еродира по неколку дена. Користете пластични кеси или стаклени садови за таква храна.
5. Не ја фрлајте по една употреба
Ова е една од работите што можете повторно да ја користите во кујната ако добро ја исчистите и ако не е скината. Ако не сте знаеле, можете да ја измиете рачно, но и во машина за миење садови. Исто така, често фолијата може да се рециклира, затоа проверете каде можете да го направите тоа.