Откако турскиот претседател Реџеп Таип Ердоган одлучи да протера десет амбасадори, валутата на оваа земја достигна нова рекордна вредност – сега еден долар е 9.738 лири.
Толкава беше нејзината вредност на лондонската берза до 11:45 часот. Ова се случи откако Ердоган ги прогласи за персона нон грата во саботата на 23 октомври, а потоа и ги протера амбасадорите на САД, Германија, Франција, Канада, Холандија, Шведска, Норвешка, Данска, Финска и Нов Зеланд. Тоа го направи откако Западот ја повика Турција да го ослободи Осман Кавала, кој го претставува и како филантроп.
Економистите и инвеститорите долго време се загрижени за односот на Ердоган кон Централната банка на Турција, сметајќи дека тоа ја загрозува независноста на оваа институција. Тој е убеден дека ниските стапки ќе ја намалат инфлацијата, што е спротивно на очекувањата на голем број економисти, пишува „CNBC“.