Одлуката за оставка на премиерот Зоран Заев е избрзана, според министерот за надворешни работи и воедно портпарол на ДУИ, Бујар Османи во „Емисијата 200“ на Алсат .
Тој истакна дека Заев треба да размисли за неа, нагласувајќи дека интересите на државата се поважни од индивидуалните емоции.
„Мислам дека најважно е што им треба на граѓаните и на државата, а потребите засега се стабилност и предвидливост. И ова е најважното во моментов. Се соочуваме со многу предизвици и можности, без разлика дали се тоа пандемија или енергетска криза или понудена можност за почеток на разговори во декември. Ова се моменти поради кои сметаме дека изјавата на премиерот е избрзана, бидејќи се доведуваат во прашање најголемите државни интереси кои ги надминуваат индивидуалните емоции“, рече Османи.