Вицепремиерот на Северна Македонија, Никола Димитров изјави дека не гледа ризик земјата да излезе од иницијативата „Отворен Балкан“, дури и ако има промена на власта во zemjata.
Тој вака одговори на прашањето на новинарите дали постои ризик земјата да ја напушти иницијативата, со оглед на ставот на опозицијата за „Отворен Балкан“ и со оглед на политичките случувања.
– Не гледам никаков ризик што би можел да произлезе. За Северна Македонија е важно да остане дел од иницијативата поради економиите на регионот и европската иднина. Во случај на промена на власта, ние сме демократија. Се надеваме дека волјата на граѓаните ќе биде таква, кој и да дојде на власт, државата ќе оди напред, што значи европеизација и добри односи со соседите – рече Димитров.
Не смета оти состојбите на македонската политичка сцена го достигнале нивото на фер натпревар и дека подобро е за Владата учесниците да покажат што можат подобро.
– Дури и директно да ги поврземе резултатите од локалните избори со власта, владејачката коалиција освои повеќе гласови од опозицијата – рече Димитров.
Како што појасни, повеќето македонски граѓани сакаат да одат напред.
– Сакаме добрососедски односи и регионална соработка – рече Димитров.
Истакна дека регионалната соработка е „мудар, реален и европски избор“.
– Важноста што Владата на Северна Македонија и ја придава на оваа иницијатива е нагласена со тоа што денеска сум во Белград и ви благодарам за добредојдето – се заблагодари Димитров уште на почетокот.
– Оваа иницијатива е многу важна и не можеме да дозволиме да отсуствуваме од оваа средба и покрај политичката ситуација во земјата – рече вицепремиерот на Северна Македонија.
– Колку повеќе победи заедно извојуваме, толку оваа иницијатива ќе биде поатрактивна за другите земји од регионот – истакна Димитров од Белград.