Манчестер Јунајтед нема да ги решава проблемите со нови засилувања. Иднината на менаџерот Оле Гунар Солскјер е под сериозно прашање по разочарувачкиот настап на тимот во последните недели. Без разлика кој ќе биде менаџер во јануари, тој нема да добие пари за зимска селекција.
Раководството на клубот летото издвои средства за сериозни набавки и беа вклучени Џејден Санчо, Рафаел Варан и Кристијано Роналдо. Шефовите на „црвените ѓаволи“ сметаат дека тимот го има потребниот потенцијал, но не го покажува на теренот.
Сепак, клубот ќе се обиде да се раздели со некои играчи. Еден од нив е Џеси Лингард кој ќе биде ослободен со понуда од околу 10 милиони фунти. Летото Јунајтед бараше 25 милиони за него, што го спречи Вест Хем кој беше подготвен да даде 18 милиони.
„Црвените ѓаволи“ се подготвени да се разделат и со голманот Дин Хендерсон, планирајќи да го изнајмат на 18 месеци.
Чуварот на мрежата беше стартер во дел од минатата сезона, но оваа Давид Де Хеа го врати своето место во најдобрите единаесет и Хендерсон не доби многу шанси за настап.