Италијанските фудбалери не успеаја директно да се пласираат на Светското првенство, бидејќи ремизираа со Северна Ирска (0:0), додека Швајцарија од групата Ц се пласираше на Мундијалот.
Италијанците останаа без победа на гостувањето кај Северна Ирска, која им беше неопходна за директен билет во Катар во 2022 година.
Швајцарија ќе оди понатаму, која на домашен терен ја совлада Бугарија со 4-0, додека актуелниот европски првак ќе мора да игра во баражот. Интересен податок е што Италија најверојатно ќе се најде во групата на носители, што отвора можност да се соочат со македонската фудбалската репрезентација, која синоќа се пласираше за првпат во бараж на едно светско првенство.
Италијанците беа супериорни во текот на целиот натпревар. Имаа 68 проценти посед на топка, седум пати шутнаа во противничкиот гол, но без успех.
Киеза и Емерсон пропуштија одлична шанса во вториот дел, но домашниот голман Пикок-Фарел остана несовладан.
July: Italy are crowned champions of Europe
November: Italy sent to the World Cup playoffs to qualify for the Qatar World Cup pic.twitter.com/f94RoIIBMk
— B/R Football (@brfootball) November 15, 2021
Киксот на европскиот првак го искористи Швајцарија, кој без проблем успеа да се справи со Бугарите.
Во првото полувреме беше 0:0, но потоа гостите ја почувствуваа моќта на домаќините и примија дури четири гола, покрај два поништени.
Стрелци беа Окафор во 48. минута, Варгас во 57. минута, Итен во 72. минута и Фројлер во 91. минута за конечни 4:0.
Switzerland beat Italy to automatic qualification for the 2022 World Cup in Group C 👀 pic.twitter.com/DnX4EgGuTh
— GOAL (@goal) November 15, 2021