Калиумот е минерал чија важност за здравјето е помалку позната од, да речеме, важноста на цинкот, калциумот или железото. Неправедно е запоставен, а ова е всушност минерал без кој не се можни бројни метаболички процеси во телото. Го има во многу намирници, но некои се особено богати со него, како што се бананите.
Дејствува како електролит и е неопходен за одржување на здравјето на мозокот, срцето, бубрезите и мускулното ткиво. Го има во многу намирници.
Калиумот е од голема помош за одржување на нормалниот крвен притисок, пренесување на хранливите материи до клетките во телото. Тој е еден од клучните минерали за одржување на функцијата на нервите и мускулите.
Поради недостаток на калиум може да се појават бројни здравствени проблеми, од замор и мускулна слабост, до забрзана работа и отчукување на срцето, анемија и силни главоболки.
Нутриционистите велат дека постојат шест лесно достапни намирници кои се богати со овој минерал.
1. Банани
Бананите се на врвот на листата на храна богата со калиум. Содржат големи количини од овој минерал и затоа е препорачливо редовно да се консумираат. Една банана задоволува околу 10 проценти од нашите дневни потреби за калиум.
2. Јогурт
Јогуртот е богат со калиум, а само една чаша од 250 милилитри ќе му обезбеди на вашето тело 579 милиграми од овој минерал, од вкупно 4.700 милиграми, што е оптимална дневна доза на калиум што му е потребна на телото.
3. Спанаќ
220 грама спанаќ содржат неверојатни 839 милиграми калиум. Можете да го внесете така што ќе направите смути, ќе го јадете свеж во салата или варен. Важно е да се консумира што почесто и редовно за да се снабди организмот со потребните количини на калиум.
4. Сос од домати
Калиумот го има во свежите домати, но сокот и пирето од оваа храна се уште поголем извор на калиум. Половина шолја сок од домати содржи 660 mg од овој минерал, додека половина чаша пире има 549 mg.
5. Суви сливи
Сувите сливи се одлични за варењето, а помалку познато е дека се добри за зајакнување на коските. Едно истражување покажа дека жените кои јаделе 10 сливи на ден имале значително подебели коски од оние кои јаделе друго сушено овошје. Само три четвртини шолја сливи содржи 530 mg калиум.