Новиот партиски лидер на СДСМ ќе биде нов премиер

Премиерот Зоран Заев во петокот побара од СДСМ да се ефектуира неговата оставка на седница на Централниот одбор.

Заев очекува од вторник да го почне заминувањето од премиерската и претседателската функција во СДСМ.

„Моето искуство ми кажува, и јас посакувам новиот лидер на СДСМ да биде и претседател на владата. До 14 декември нема да стигнеме со избор на нова влада и нов мандатар на владата. Овој период СДСМ треба да го искористи да го избере својот претседател.Ако се успее во овој период, а верувам дека може да се успее, затоа што роковите се доволни за СДСМ да избере претседател, и верувам дека тој треба да биде новиот мандатар“ , рече Заев.