Брзината на македонскиот автобус, кој удри на автопатот Струма, беше прилично неконзистентна и по секоја веројатност надмина 90 км/ч. Тоа значи дека можеби имало манипулации со возилото, бидејќи повеќето патнички автобуси имаат технички ограничувања да не надминуваат одредена брзина. Ова за БНТ го изјави заменик-главниот обвинител и директор на Националната истражна служба Борислав Сарафов по повод тешката несреќа на 23 ноември, во која загинаа 45 лица, меѓу кои 12 деца.
Тој вели дека нема причинско-последична врска меѓу несреќата, патната сигнализација и ознаките. Појасни дека можеби придонеле, но возачот морал да биде повнимателен и да вози со соодветна брзина. Сепак, Сарафов посочи дека ознаките на патиштата „очигледно не ги исполнуваат условите”.
Досега истрагата покажува дека автобусот од се уште непозната причина скршнал надесно и удрил во заштитната ограда која го дели просторот за одмор од автопатот. Од ударот се дупнал резервоарот за гориво, избувнал пожар и возилото се заглавило меѓу заштитните огради што ги делат двете ленти на автопатот.
Увидот на бугарското Министерство за регионален развој и јавни работи на местото на инцидентот покажа дека тротоарот е во одлична состојба, но ознаката е дотраена, а не е извршена и пролетната наредба за негово реновирање.