Нова заплена на пиротехнички средства во пресрет на новогодишните и божиќни празници. МВР денеска информираше дека пронашле и одземеле околу 1000 парчиња петарди и пиротехнички средства во Битола.
-Вчера во близина на Градскиот пазар кај Турската менза во Битола полициски службеници кај 50- годишниот А.Љ. од Битола пронашле и одземеле 415 разни видови пиротехнички средства. Истиот ден, во Градскиот пазар Битола кај И.Ц. од Битола биле пронајдени 374 парчиња огномети, а од Е.Р. од Битола одземени биле 66 парчиња.
Во близина на Центарот за култура во Битола од Д.Б. биле одземени 26 парчиња пиротехнички средства, а од Ф. М. пред стоковна куќа биле одземени 71 парче пиротехнички средства. По целосно расчистување на случаите ќе бидат поднесени соодветни пријави, информираат од полицијата.