279
Фудбалскиот тренер на Ливерпул, Јирген Клоп, поради коронавирус нема да го води тимот на претстојното дерби во Премиер лигата против Челзи.
Клоп е тестиран, а резултатот покажал сомнеж за Ковид-19. Германскиот тренер е во изолација и има благи симптоми, соопштија од Ливерпул.
Во недела од 17.30 часот на „Стемфорд Бриџ“ против Челзи, тимот ќе го предводи помошниот тренер Пеп Линдерс.
Ливерпул во петокот потврди дека тројца членови на тимот се позитивни на коронавирус.
Славниот клуб не побарал одложување на натпреварот против Челзи, а не се очекува ниту да го побараат тоа, објави Скај.