Изминуваат два месеци од изборот на градоначалничката на ВМРО-ДПМНЕ, Данела Арсовска а граѓаните на Скопје не гледаат дека во градот нешто се работи.Напротив, гледаат само поништувања на значајни проекти, неспособност, погрешни одлуки. Гледаат дека нема бесплатен јавен превоз, нема инвестиции во животната средина, вели Мартин Попов, советник во Советот на Град Скопје од СДСМ.
-Дури и Буџетот на градот за оваа 2022 година не е развоен и не е направен според потребите на граѓаните.Во Буџетот не се предвидени пари за важни проекти како нови паркови, зелени покриви, велосипедски патеки.Нема пари за ниту една велосипедска патека, ниту еден вело паркинг, нема опрема за автобусите да превезуваат точаци, нема субвенции за дополнителна опрема.Наместо за зеленило и заштита на животната средина, наместо во капитални проекти, Арсовска парите на скопјани ги планира за вдомувања на партиските кадри на ВМРО-ДПМНЕ, вели Попов.
Тој упати неколку прашања до градоначалничката:
Дали има пари за коалициските партнери на Данела Арсовска и ВМРО-ДПМНЕ?
Дали фирмата на кандидатот за градоначалник Петар Георгиевски Камиказа, КЛС, била ангажирана околу озвучувањето на новогодишната прослава на градскиот плоштад?
Колку пари чинел ангажманот на КЛС за новогодишната прослава или дали е тоа донација?