Сите зборуваат за празнична депресија и депресија за време на празниците.
Но, раздразливостa, рамнодушностa, промениte во расположението… Сето ова може да ни се случи и откако конечно ќе стивне сета таа еуфорија.
Постпразнична депресија
Постпразничниот синдром, стресот или депресијата, е феномен кој ги дели истите карактеристики како анксиозноста или нарушувањата на расположението: несоница, недостаток на енергија, раздразливост, тешкотии со концентрирање и анксиозност. Но, за разлика од клиничката депресија, постпразничната депресија трае пократко. Иако повеќе внимание се посветува на депресијата пред и за време на празниците, незадоволството по празниците е присутно и кај многу луѓе.
Иако се работи за релативно нов концепт, експертите сметаат дека овој тип на депресија е предизвикан од повлекување на хормоните на стресот, по некој голем настан (важен рок за поднесување задача, важен настан или празници). И ова повлекување на хормоните на стрес има огромно влијание врз нашата биолошка и психолошка благосостојба.
Kако се манифестира оваа состојба?
Стрес околу празници, организација, брзање, купување подароци, очекувања од самите празници, собирање со семејството и пријателите, завршување деловни задачи пред празниците… Сето ова може да биде многу емотивно исцрпувачко. И токму затоа можеме да почувствуваме постпразнична депресија, кога сè ќе се смири и ќе се врати во нормала.
Со сиот овој стрес, внесот на шеќер (празнични слатки, колачи, пити и слатки) игра огромна улога во зголемувањето на чувството на анксиозност. Како и прекумерно внесување алкохол.
Колку долго трае постпразничната депресија?
Периодот е индивидуален за секого, но доколку симптомите како раздразливост, тага и исцрпеност траат неколку месеци, време е да посетите специјалист.
Како да ја надминете постпразничната депресија?
1. Грижете се за себе
Спијте доволно, хранете се здраво, вежбајте и намалете го внесот на шеќер и алкохол.
2. Не избегнувајте дружење
Социјалните интеракции се клучни за нашата благосостојба. Одвојте време за пријателите и хобито во кое уживате.
3. Бидете трпеливи и нежни со себе
Овие чувства нема да траат вечно. Потребно е само време. Грижете се за себе, одвојте време за себе (читајте книги, извршувајте ги омилените хоби, фотографирајте, пишувајте дневник).