За жал, најновите податоци од Јужна Африка покажуваат дека омикронот е двојно поинфективен од делта, што е причина за дополнителна загриженост.
Која е причината?
Еден од факторите зошто денес е забележан поголем број на заразени луѓе со варијантата омикрон е фактот дека се работи за високо заразен вид кој побрзо ќе ги зарази луѓето, иако симптомите на болеста можеби не се сериозни. Додадете ги на тоа празниците кога многу луѓе патувале и лесно е да откриете што навистина се случува.
Луѓето погрешно мислат дека вакцината целосно ќе ги заштити од вируси и инфекции, но вакцините се дизајнирани да спречат сериозни болести и тешки симптоми, објасни Луис Мански, научник кој го проучува вирусот на Универзитетот во Минесота. Вакцините сè уште добро делуваат, особено за оние кои примиле бустер доза.
Две дози Фајзер или Модерна и една доза Џонсон и Џонсон продолжуваат да нудат одлична заштита од сериозни исходи на болеста поради инфекција со омикрон вирус. Додека споменатите вакцини и дози не се толку добри во спречувањето на пенетрација на вирусот на омикрон сојот, бустер дозите, особено со вакцината Фајзер и Модерна, го зголемуваат бројот на антитела и со тоа помагаат во борбата против вирусот.
Се чини дека варијантата омикрон се реплицира многу побрзо од претходните варијанти, и ако заразено лице носи големи количини на вирусот, поголема е веројатноста да зарази друго лице, особено ако не е вакцинирано. Вакцинираните поединци имаат поголема веројатност да имаат благи симптоми, доколку ги има, бидејќи вакцината делува така што активира голем број одбранбени средства на имунолошкиот систем, што го отежнува омикронот да влезе во телото.
Сите совети за заштита од вируси не се променети, лекарите сè уште се молат да се носат маски и да избегнуваат големи собири во затворени простории. Иако вакцината нема секогаш да ве заштити од вирусот, таа ќе ви помогне да не завршите во болница со тешки симптоми.