Министерството за финансии на САД воведе санкции за четворица Украинци кои, според Вашингтон, се поврзани „со дејствијата на Русија во странство кои предизвикуваат штета“, се наведува во соопштението на Министерството за финансии на САД.
На црната листа се поранешниот заменик-претседател на Советот за национална безбедност и одбрана на Украина Владимир Сивкович, пратениците на Врховната Рада од „Опозициската платформа за живот“ Тарас Козак и Олег Волошин и поранешниот пратеник Владимир Олејник.
Today, OFAC sanctioned 4 individuals engaged in Russian government-directed influence activities to destabilize Ukraine. This is the latest action we have taken to target purveyors of Russian disinformation, including designations in April 2021.https://t.co/Z7XJdGDlTJ
— Treasury Department (@USTreasury) January 20, 2022
Да потсетиме, американскиот конгресмен-републиканец Џим Бенкс на 19 јануари до Конгресот поднесе нов нацрт за санкции против Русија. Текстот на предлог-законот се уште не е официјално објавен, но според информациите на „Вашингтон пост“, предлог-законот бил наречен Закон за одговорноста на Путин.