Ситуацијата на Балканот е прилично мрачна: нерешен конфликт во Босна и Херцеговина предизвикан од големосрпскиот проект на Александар Вучиќ, кој има свои последици и во Црна Гора. Вучиќ го спроведува проектот со помош на црквата, преку постоечката коалиција и националистичките партии и другите екстремистички српски институции, вели Јануш Бугајски, виш соработник во фондацијата „Џејмстаун“ во Вашингтон и експерт за Балканот и Русија, цитиран од БГНЕС.
Оваа политика, според него, го попречува трајното решение на српско-косовскиот конфликт, кој Белград, со учество на Русија, не сака да го реши.
– Се плашам дека Балканот може да биде следната жртва на рускиот империјализам. Со други зборови, Путин можеби се обидува да го одвлече вниманието на САД и нивните сојузници од потенцијалната војна во Украина со тоа што ќе предизвика нова војна на Западен Балкан. Според мене, во оваа фаза главна цел сега е Босна и Херцеговина, смета Бугајски.
Специјалниот пратеник на Стејт департментот за Западен Балкан, Габриел Ескобар, направи огромна грешка во промовирањето на иницијативата „Отворен Балкан“, која е непотребна бидејќи не решава ниту внатрешни, ниту меѓудржавни конфликти, тврди тој.
„Сè што поддржуваат Белград и Москва не е добра идеја. Т.н иницијативата „Отворен Балкан“ има за цел да го подобри имиџот на Србија и да го зголеми нејзиното влијание. „Отворен Балкан“ е неојугословенски проект создаден од Вучиќ. Шокантно е како Албанија се согласи на ова. Албанските мотиви би можеле да бидат економски, дипломатски и, во крајна линија, некаква територијална корист“, додава експертот.