Ракометарите на скопски Вардар блеснаа на стартот од календарската 2022 година во Лигата на шампионите на ЕХФ. Македонскиот шампион со новиот тренер Дејвид Дејвис оствари многу вредна победа на гостувањето кај Монпелје 28:25 (14:10) и со тоа повторно се вклучи во борбата за нокаут фазата од натпреварувањето.
Јунак на победата на Вардар беше Мартин Томовски со 13 одбрани. Стоилов, Њокас и компанија целосно ги надиграа индиспонираните домаќини. Последен пат Монпеље поведе во 13. минута (6:5), а врвот на доминацијата на Вардар беше забележан во 40. минута, кога резултатот беше 13:21.
Монпеље успеа да се доближи, но играчката интелигенција на Стојанче Стоилов и меката рака на Кубанецот Моралес спречија пресврт.
Деска беше најдобар стрелец на мечот со седум гола, додека во победничкиот тим најефикасни беа Оливие Њокас со пет, односно Стоилов и Тото со четири.
Алборг го совлада Мешков во Брест од 33:30 часот и со тоа му ја олесни работата на Вардар во борбата за ТОП 6.