Првата руска тенисерка, Анастасија Пављученкова преку објава на Инстаграм повика на прекин на насилството и војната.
„Личните амбиции или политичките мотиви не можат да го оправдаат насилството“, рече освојувачот на златниот медал на Олимписките игри во Токио во 2020 година.
„Ова ја одзема иднината не само за нас, туку и за нашите деца. Стоп за насилството, прекинете ја војната“.
Во меѓувреме, московјанецот Данил Медведев денеска се најде на врвот на АТП листата.
Тој е само третиот Русин на врвот на табелата и првиот играч надвор од таканаречената голема четворка – Новак Ѓоковиќ, Роџер Федерер, Рафаел Надал и Енди Мареј кој го држи првото место во последните 18 години.
Додека светот на спортот се обедини во осудата на руската инвазија на Украина, Украинската тениска федерација во неделата го повика раководното тело на спортот, Меѓународната тениска федерација (ИТФ), веднаш да ги исфрли Русија и Белорусија од организацијата и да и забрани Русија да учествува на тимски и индивидуални турнири.