Собранието во сина боја за Меѓународниот ден на ретките болести

Вечерва, Собранието на Република Северна Македонија, беше осветлено во една од боите на ретките, односно во сина боја, со што се приклучи на одбележувањето на Меѓународниот ден на ретките болести, а во знак на поддршка на преку 300 милиони лица кои живеат со некоја ретка болест.

-Собранието, како дом на граѓаните ја дава својата силна поддршка затоа што силно верува дека сите граѓани на светот имаат исти права на оваа планета и со заеднички труд на сите може да се промени многу, соопштија од собраниската-прес служба.