Бектеши очекува поддршка од опозицијата за владиниот пакет мерки

За министерот за економија, Крешник Бектеши во престојниот период најважно е поскоро да се усвојат владините мерки за ублажувањето на ценовните шокови со што ќе може да се направат интервенции врз цените на горивата и на храната.

Како што кажа тој, поддршка за мерките во Собранието очекува подеднакво и од пратениците на власта и од опозицијата.

„Закон за ДДВ и закон за акцизи се менува само во Собрание и очекувам од страна на пратениците на ВМРО, но секако и од другите пратеници кои се дел од мнозинството да ги поддржат овие законски решенија“, рече Бектеши во емисијата „Економски Магазин“ на Алсат.