Украина во понеделникот објави дека одржала „тешки“ разговори со Русија за прекин на огнот, итно повлекување на војниците и безбедносни гаранции, истиот ден кога едно лице загина, а 12 се ранети во гранатирање на станбена зграда во Киев.
Двете страни навестија дека некои резултати од разговорите се на повидок, по претходните рунди разговори кои првенствено се фокусираа на прекин на огнот и доставување помош до опколените градови и евакуација на цивили.
Украинскиот преговарач Михајло Подољак, кој рече дека разговорите биле „конструктивни“ во неделата, напиша на Твитер пред денешните разговори: „Преговори. Четврта рунда за мир, прекин на огнот, итно повлекување на војниците и безбедносни гаранции“.
Тој подоцна рече дека разговорите биле „тешки“ поради многу различните политички системи во Русија и Украина.
-Преговорите ќе продолжат во вторник, додаде Подољак.
Според него, Русија се уште има илузија дека насилството врз Украина е добра стратегија. Русија, од друга страна, ја обвинува Украина дека користи цивили како жив штит.
A technical pause has been taken in the negotiations until tomorrow. For additional work in the working subgroups and clarification of individual definitions. Negotiations continue…
— Михайло Подоляк (@Podolyak_M) March 14, 2022