Локалните медиуми во Чернихив објавија дека граѓани кои чекале ред за леб биле убиени при руско гранатирање, повикувајќи се на очевидец кој рекол дека нападот се случил во средата наутро, пренесува Би-би-си. Би-Би-Си истакнува дека не може сама да го потврди овој извештај, но потврдија дека жителите биле убиени на локација во североисточниот дел на градот.
Ендрју Титок, продуцент на локалната медиумска куќа која прва извести за убиствата, изјави за Би-Би-Си дека најверојатно станува збор за напад од „тешка артилерија“.
„Речиси е невозможно да се добие каков било коментар од локалните власти или болниците, така што немаме информации за бројот на повредени“, рече Титок.
„Во блокираните области на Чернихив, стана вообичаена практика на луѓето да им се доделуваат резерви на храна како леб и да чекаат во редици“, додаде тој.
Првите информации беа дека во Чернихов било пукано врз луѓето кои чекале ред за леб и дека биле погодени 10 луѓе.
Today, Russian forces shot and killed 10 people standing in line for bread in Chernihiv. Such horrific attacks must stop. We are considering all available options to ensure accountability for any atrocity crimes in Ukraine.
— U.S. Embassy Kyiv (@USEmbassyKyiv) March 16, 2022
Амбасадата на САД во Киев исто така претходно соопшти дека руските сили убиле 10 лица кои чекале ред за леб во украинскиот град. Амбасадата не обезбеди никакви докази за нападот во соопштението објавено на официјалните страници на Твитер и Фејсбук.
„Денеска руските сили застрелаа и убија 10 луѓе кои стоеја во ред за леб во Чернихов. Ваквите ужасни напади мора да престанат. Ги разгледуваме сите достапни опции за да обезбедиме одговорност за сите злосторства во Украина“, соопшти амбасадата.
In #Chernihiv, in one of the commuter towns, at about 10:00 am Russian troops shot people standing in a line for bread, as the Suspilne's correspondent reports. According to her, at least 9 people died.#UkraineUnderAttack pic.twitter.com/lYbiDB1w44
— SUSPILNE NEWS 📰 (@suspilne_news) March 16, 2022