Украина и Русија подготвија пробен мировен план кој вклучува прекин на огнот и повлекување на Русија доколку Киев прогласи неутралност и ги прифати ограничувањата на своите вооружени сили, пишува „Financial Times“, повикувајќи се на три извори вклучени во преговорите.
Предложениот договор ќе вклучува откажување на Украина од нејзините амбиции за влез во НАТО и ветување дека нема да биде домаќин на странски воени бази или оружје во замена за заштита од сојузниците како што се САД, Велика Британија и Турција.
Михаил Подољак, висок советник на украинскиот претседател Владимир Зеленски, изјави за ФТ дека секој договор ќе вклучува „трупи од Руската Федерација во секој случај да ја напуштат Украина“.
Украинските и руските преговарачи разговараа за рамковниот план од 15 точки за прв пат во понеделникот, наведува „Financial Times“.