244
Министерот за надворешни работи на Литванија, Габриелиус Ландсбергис, напомена дека Европската унија (ЕУ) може да воведе санкции за трети земји кои и помагаат на Русија.
„Мора да има многу јасна порака до секоја трета земја која и помага на Русија да ги заобиколи санкциите, дека можеме да ги примениме истите санкции за тие земји“, рече Ландсбергис на прашањето од новинарите како ЕУ реагира на заобиколувањето на санкциите преку Србија или Турција.
„Мораме да бидеме многу сериозни во врска со тоа. Тоа е прашање на нашиот кредибилитет“, предупреди литванскиот министер за надворешни работи.