Шолц: Преговорите со Тирана и Скопје за членство во ЕУ мора да почнат што е можно поскоро

Преговорите за пристапување на Албанија и Северна Македонија во Европската унија мора да започнат што е можно поскоро, бидејќи секое одложување ќе ги направи земјите од Западен Балкан ранливи на надворешни влијанија, изјави денеска германскиот канцелар Олаф Шолц.

„И на Германија и на Шведска им е јасно дека ЕУ мора да продолжи со институционалните реформи за да стане способна за проширување“, рече Шолц на прес-конференција по средбата со шведската премиерка Магдалена Андерсон.