Американскиот претседател Џо Бајден денеска ја прими својата втора бустер доза од вакцината против коронавирус.
– Мојот втор бустер воопшто не ме болеше. Ако имате 50 или повеќе години или имате послаб имунитет, примете уште еден бустер веднаш штом ќе ги исполните условите, напиша Бајден накратко на Твитер.
My second booster didn’t hurt a bit. If you’re 50 and older or immunocompromised, get your second booster as soon as you’re eligible. pic.twitter.com/puLZPhMXxg
— President Biden (@POTUS) March 30, 2022
Бајден ја прими вакцината ден откако САД ја одобрија четвртата доза на Фајзер/Бионтек или Модерна за луѓе на возраст над 50 години, бидејќи властите предупредуваат на потенцијален нов бран предизвикан од BA.2 подваријантата на омикрон.
Администрацијата за храна и лекови соопшти дека ја засновала својата одлука на нови докази дека дополнителната бустер доза, примена четири месеци по последната доза, ја подобрува заштитата од тешка форма на Ковид-19.