Американскиот државен секретар Ентони Блинкен денес соопшти дека Стејт Департментот и Министерството за финансии на САД презеле одредени санкции за некои актери од Западен Балкан поради дестабилизирачки и коруптивни активности.
-САД и партнерите како Обединетото Кралство бараат одговорност од оние кои ја загрозуваат стабилноста, напредокот и европската интеграција на регионот, објави Блинкен на Твитер после објавените санкции.
Today the @StateDept and @USTreasury took action to designate actors in the Western Balkans for destabilizing and corrupt activities. The U.S. and partners like the UK are holding accountable those who threaten the region's stability, progress, and European integration.
— Secretary Antony Blinken (@SecBlinken) April 11, 2022
Американското Министерство за финансии објави соопштение во кое истакна дека воведени се санкции за поединци од Западен Балкан, меѓу кои се најдоа поранешниот македонски премиер Никола Груевски и поранешниот директор на ДБК, Сашо Мијалков. Тие објаснуваат дека овие луѓе од Босна и Херцеговина, Црна Гора, Северна Македонија и Албанија претставуваат сериозна закана за регионалната стабилност и довербата во институциите. Санкциите го блокираат целиот имот на овие лица во САД и ги спречуваат американските граѓани да се вклучат во трансакции со нив.
Велика Британија денеска воведе санкции за Милорад Додик, член на Претседателството на Босна и Херцеговина и Жељка Цвијановиќ, претседателка на Република Српска, поради обид за нарушување на легитимитетот и функционалноста на државата Босна и Херцеговина, стои во соопштението од Владата во Лондон.