Снег во западна Србија

Снег утринава падна во планинските предели во западна Србија.

Над 30 сантиметри снег паднаа на Златар, како и неколку сантиметри на Златибор, во Нова Варош, Сјеница, околината на Бајина Башта и други планински предели.

Рано утринава интервенираа екипи и механизација на ужички „Патишта“.

„Државните патишта на подрачјето на Нова Варош, каде што падна поголем дел од снегот, се проодни. Снегот го исчистивме и од патиштата во областа Чајетина, Златибор, Бајина Башта. „Иако во тој реон сè уште паѓа снег, попладне не би требало да има проблеми“, изјави за „Данас“ Ален Мусановиќ од „Ужички патишта“.